Кіраўнік Беларусі Аляксандар Лукашэнка нарадзіўся ў гарадзкім пасёлку Копысь на мяжы Магілёўскай і Віцебскай абласьцей. Неўзабаве пасьля нараджэньня сына ягоная маці Кацярына Трафімаўна пераехала жыць у родную вёску Александрыю. Гэта зусім побач з Копысьсю, толькі праехаць мост цераз Дняпро.
Як сёньня выглядае «малая радзіма» Лукашэнкі. Фотарэпартаж
Прыгожыя дамы, ідэальны асфальт, лазьня праз дарогу ад бацькоўскай хаты і акуратная двухпавярховая рэзыдэнцыя.
1
Пра асаблівае стаўленьне кіраўніка краіны да родных мясьцінаў вядома даўно. Лукашэнка часта бывае на малой радзіме і пільна сочыць за станам гаспадарак Шклоўскага раёну. У 2017 годзе менавіта Копысь выбралі ў якасьці ўзору для ўсіх беларускіх мястэчак.
2
Александрыя ад Копысі не адстае, нядаўна тут нават адкрылася футбольная акадэмія берасьцейскага «Дынама». Чыстыя вуліцы, акуратныя катэджы. Але ня ўсе ведаюць, што кіраўнік краіны нарадзіўся не зусім у гэтай Александрыі.
3
Бацькоўскі дом Лукашэнкі фактычна ў іншым паселішчы, на ўезьдзе ў якое стаіць паказальнік «Александрыя-2». Празь яго праходзіць адзіная вуліца з назвай «Родниковая», якая ўпіраецца ў дарожны знак «Віцебская вобласьць, Аршанскі раён».
4
Яшчэ ў сярэдзіне 2000-х Александрыя ня вельмі адрозьнівалася ад іншых вёсак Шклоўскага раёну. Цяпер розьніца вялікая. Паабапал вуліцы стаяць новыя драўляныя аднатыпныя дамы.
5
Большасьць будынкаў вельмі падобныя адзін да аднаго.
6
У цэнтры новая крама, акуратная лазьня, сьмецьцевыя бакі. На платах паштовыя скрынкі на амэрыканскі манер. Побач з бацькоўскай хатай кіраўніка краіны — крытая драўляная альтанка.
7
8
Ля дамоў амаль няма людзей. У вёсцы ціха і не відаць руху.
9
Двухпавярховы драўляны комплекс за шлягбаўмам. На ім яшчэ ня скончаныя будаўнічыя работы. Мясцовыя кажуць, гэта «яшчэ адна рэзыдэнцыя» славутага земляка.
10
11
Асфальт на адзінай вуліцы ідэальны.
12
Адзіны будынак у вёсцы, абнесены высокай агароджай.
13
14
15
16
Насупраць дома, дзе некалі жыла маці кіраўніка Беларусі, акуратная лазьня. Моцны драўляны зруб, мэталічны дах. За ёй агароджаная і ахутаная зялёнай плёнкай спартовая пляцоўка. З дарогі відаць толькі баскетбольныя шчыты з кольцамі.
17
18
Будоўля.
19
Вакол вёскі палі, удалечыні лес. Частка акуратна ўзараных (ні каменьчыка) палеткаў агароджаная зялёным мэталічным плотам. Падобным да таго, якім абнесьлі Курапаты.
20
21
22
23
Частка палеткаў у Александрыі таксама агароджаная.
24
Адзін з нешматлікіх нетыпавых дамоў.
25
Яшчэ на гэтую тэму
Катэгорыі
- Мультымэдыя
- Відэа
