Як дэмакратыя стварае і вырашае крызісы: Украіна, ЗША, Вялікабрытанія. Удзельнікі «Зоны Свабоды» — Юры Дракахруст, Ірына Лагуніна, Аляксандар Лукашук, Алена Літвінава, Мэрхат Шарыпжан.
Пра ўкраінскія выбары
- Актор — неабавязкова кепскі кіраўнік дзяржавы. Былы актор — Рональд Рэйган — быў адным з найлепшых прэзыдэнтаў ЗША.
- У адным горадзе ў Канадзе некалькі разоў абіралі мэрам ката. Калі ён памёр на пасадзе, яго хаваў увесь горад.
- Калі Зяленскі-прэзыдэнт будзе падобны на канадзкага мэра-ката, то ва Ўкраіне ўсе ведаюць, хто рэальна будзе кіраваць краінай.
Пра даклад Мюлера ў ЗША
- Праца камісіі, безумоўна, не падабалася прэзыдэнту Трампу. Але ён ня мог яе спыніць. Праца камісіі была адным з элемэнтаў сыстэмы стрымак і супрацьвагаў — актыўнай апазыцыі, незалежнай судовай сыстэмы, «зубастых» СМІ. І гэтая сыстэма дэмакратыі там працуе.
Пра Брэкзіт у Вялікабрытаніі
- Калі б на чале каралеўства стаяў Лукашэнка, пытаньне было б вырашанае хутка.
- Але дэмакратычная працэдура — хоць і доўгая, і дарагая, і часам, здаецца, неэфэктыўная — дае магчымасьць вызначыць кансэнсус, агульную думку, што немагчыма пры дыктатуры.
Пра ўяўную адстаўку прэзыдэнта Казахстану Назарбаева
- Пуцін можа працягнуць свае паўнамоцтвы любым шляхам, як яму будзе заўгодна — хоць канстытуцыю памяняць, хоць праз далучэньне Беларусі да Расеі.
- У аўтарытарных сыстэмах самы ўразьлівы элемэнт — пераемнасьць. Памылковае ўяўленьне, што аўтарытарны ўладар можа вызначыць усё, асабліва пасьля сваёй сьмерці
