Пра гэта ён сказаў падчас гульні ў хакей з Уладзімірам Пуціным у Сочы.
Аляксандар Лукашэнка падчас гульні ў хакей з Уладзімірам Пуціным заявіў пра «пагаршэньне формы». Але з кантэксту незразумела: скардзіцца ён на сваю фізычную форму ці проста гаворыць пра хакеістаў.
«Цяпер так сабе ў нас формы, таму што ў нас калядны турнір, ён нас на пік выводзіць», — перадае тэлеканал «Беларусь-1» словы Лукашэнкі.
Пра што менавіта кажа кіраўнік Беларусі, не тлумачыцца. Вядома, што ў Сочы ён езьдзіў разам з сынам Мікалаем, які таксама гуляў у хакей. Абодва гулялі пад нумарам 1. У калядным хакейным турніры каманда Аляксандра Лукашэнкі заняла першае месца. Мікалай Лукашэнка гуляў у турніры для юнакоў «Залатая шайба».
