Сэрвіс Voka TV абвясьціў кастынг — шукаюць актораў, каб агучыць сэрыял «Сэкс у вялікім горадзе» па-беларуску.
Аб чым сэрыял?
Чатыры добрыя сяброўкі дзеляцца адна з адной жаночымі сакрэтамі, пакутуюць ад разьбітага сэрца і немагчымасьці трапіць у модны рэстаран, абмяркоўваюць туфлі і мужчын.
Як патрапіць на кастынг?
Прэтэндаваць на ўдзел у праекце могуць не толькі прафэсіяналы, але і ўсе беларускія прыхільнікі сэрыяла.
- Вырашыце, каго з галоўных герояў сэрыяла (аднаго, некалькіх ці ўсіх адразу — абмежаваньняў няма!) вы хацелі б агучыць: Кэры, Міранду, Саманту, Шарлоту, Стэнфарда ці Містэра Біга.
- Прайдзіце па спасылцы, дзе зьмешчаныя фрагмэнты тэксту кожнага з герояў.
- Зачытайце абраны ўрывак на відэа.
- У пэрыяд з 14 па 21 лютага ўключна запосьціце відэа ў сторыз сваіго Instagram-акаўнта, адзначыўшы афіцыйны акаўнт @vokatv.
- Сторыс мусяць быць апублікаваныя ў адчыненых акаўнтах, каб журы ўбачылі вашае відэа.
