Амэрыканскі эсьмінец USS Donald Cook (DDG-75) накіроўваецца ў Чорнае мора. Пра гэта 19 студзеня паведаміла камандаваньне 6-га флёту ВМС ЗША. Адзначаецца, што карабель праходзіць Дарданэлы.
«ВМС ЗША працягваюць аказваць падтрымку нашым саюзьнікам і партнэрам у агульных рэгіянальных інтарэсах для забесьпячэньня стабільнасьці на моры. Наш візыт прадэманструе ўзаемадзеяньне ВМС у дасягненьні агульных мэтаў бясьпекі ў гэтым рэгіёне», — адзначае камандзір эсьмінца Мэцью Паўэл.
Пра тое, што карабель накіроўваецца ў Чорнае мора, паведаміў і амбасадар Украіны ў ЗША Валерый Чалы.
USS Donald Cook ставіцца да ранейшай вэрсіі эсьмінцаў тыпу «Арлі Бёрк». Як адзначае выданьне «Думская», ён часта прымае ўдзел у вучэньнях Sea Breeze.
Кіраўнік місіі Ўкраіны пры NATO Вадзім Прыстайка раней заявіў, што ў Чорнае мора ўсё часьцей заходзяць караблі Альянсу.
