На старонках брытанскай амбасады ў Беларусі апублікаванае відэа зь віншаваньнем з Калядамі і Новым годам. Пасьля беларускіх калядных сьпеваў з удзелам ансамблю «Гаманіна» віншаваньне на беларускай мове агучыла амбасадарка Фіёна Гіб.
Двума днямі раней беларусаў павіншавалі з Калядамі прадстаўнікі амбасады Злучаных Штатаў — сьпелі песьню «Звон зьвініць», пераклад на беларускую каляднага гіта 1857 году «Jingle Bells».
