Цісканіну мог справакаваць сьлезацечны газ, 10 чалавек у цяжкім стане, паведамляюць мэдыкі.
Падчас канцэрту рэпэра Сфэра Эбаста ў італьянскім начным клюбе ў правінцыі Анкона пачалася цісканіна, у выніку якой загінулі шэсьць чалавек, больш за 100 чалавек пацярпелі. Пра гэта паведамляе італьянскае выданьне "Corriere della Sera".
Паводле папярэдніх зьвестак, паніку ў клюбе справакавала тое, што нехта распыліў пярцовы балёнчык. Людзі спрабавалі выбрацца з памяшканьня, у выніку пачалася цісканіна.
Паведамляецца, што аварыйныя выхады з памяшканьня былі зачыненыя.
