Канстытуцыйны суд Украіны ўхваліў замацаваньне ў Канстытуцыі краіны курсу на сяброўства ў Паўночнаатлянтычным альянсе і ў Эўразьвязе.
Дэпутаты ўкраінскага парлямэнту накіравалі прэзыдэнцкі законапраект у Канстытуцыйны суд 20 верасьня.
Акрамя замацаваньня ў Асноўным законе імкненьня Ўкраіны да сяброўства ў NATO і Эўразьвязе, у законапраекце гаварылася таксама аб неабходнасьці выключыць з Канстытуцыі яшчэ адно палажэньне. Яно прадугледжвае выкарыстаньне вайсковых баз на тэрыторыі Ўкраіны для часовага знаходжаньня замежных вайсковых фармаваньняў на ўмовах арэнды ў адпаведнасьці з міжнароднымі дамовамі.
