Жанчына, якая набыла карціну «Дзяўчына з балёнікам» мастака Бэнксі, ня будзе касаваць куплю. Праца «самазьнішчылася» адразу пасьля продажу на аўкцыёне «Сотбіс».
Карціна каштавала: 860 000 фунтаў (каля 1,4 даляраў ЗША).
«Спачатку я была шакаваная, а пасьля зразумела, што ў мяне ў калекцыі будзе свой уласны кавалак гісторыі», – сказала пакупніца.
Яе імя не называецца, вядома, што гэта «калекцыянэрка з Эўропы і сталы кліент» аўкцыёну «Сотбіс».
Графіці «Дзяўчына з балёнікам», трафарэт якой прадавалі на аўкцыёне, лічыцца адной з самых вядомых прац Бэнксі.
Сам мастак дагэтуль не раскрывае сваю асобу. Акрамя абмежаванага кола людзей, ніхто ня ведае, як ён выглядае і якое ягонае сапраўднае імя.
