У Кіеве каля сотні актывістаў праварадыкальных рухаў спрабавалі штурмаваць будынак Вярхоўнай Рады празь некалькі хвілін пасьля таго, як у парлямэнце з штогадовымі пасланьнем да дэпутатаў выступіў прэзыдэнт Украіны Пятро Парашэнка.
Нацыяналісты патрабуюць унесьці разгляд законапраект, які надае грамадзянства ўсім замежнікам, якія бралі ўдзел у вайсковай апэрацыі ў Данбасе, як у шэрагах добраахвотных фармаваньняў, так і ў складзе ўкраінскай арміі.
Падчас сутыкненьня з паліцыяй каля будынка Вярхоўнай Рады актывісты кідалі ў бок супрацоўнікаў праваахоўных органаў пэтарды. Раненьні атрымаў адзін з байцоў паліцэйскага спэцназу, яго даставілі ў шпіталь.
