З сайту Аршанскага райвыканкаму зьнікла згадка пра Аляксандра Пазьняка, які займаў пасаду старшыні.
Як паведамляюць «Народныя навіны Віцебска», інфармацыя пра старшыню зьнікла ўвечары 15 жніўня. Напярэдадні падчас нарады па выніках свайго візыту ў Оршу Аляксандар Лукашэнка запатрабаваў зьняць старшыню з пасады. «Пазьняка — адправіць у адстаўку і знайсьці яму іншую працу», — загадаў ён.
Аляксандар Пазьняк быў прызначаны на пасаду старшыні Аршанскага райвыканкаму летась 7 жніўня.
