Пра гэта сьведчаць дадзеныя, апублікаваныя Эўрапейскай камісіяй на сайце Eurostat да Міжнароднага дня піва, які адзначаецца штогод у першую пятніцу жніўня.
За 2017 год Беларусь паставіла ў краіны Эўразьвязу 23 мільёны літраў алькагольнага піва (гэта 6 працэнтаў ад агульнага аб’ёму імпарту піва ў Эўразьвяз з краінаў, якія не ўваходзяць у ЭЗ). Годам раней Беларусь мела тое ж чацьвертае месца з 6 працэнтамі, але тады аб’ём паставак быў меншы — 20.6 мільёна літраў.
Лідэры ў гэтым сьпісе за мінулы год:
- Мэксыка (211 мільёнаў літраў, 52%)
- Сэрбія (48 мільёнаў літраў, 12%)
- ЗША (39 мільёнаў літраў, 10%).
Сьледам за Беларусьсю ў сьпісе:
- Кітай (16 мільёнаў літраў, 4%)
- Украіна (11 мільёнаў літраў, 3%)
- Расея (10 мільёнаў літраў, таксама прыкладна 3%)
На сайце Eurostat, аднак, адзначаецца, што імпарт у Эўразьвяз піва «маргінальны», бо пераважная частка піва вырабляецца ўнутры ЭЗ.
