Хакейная зборная Беларусі прагуляла аўстрыйцам зь лікам 4:0 і зь вялікай доляй імавернасьці пакідае элітны дывізіён сусьветнага хакею.
На чэмпіянаце сьвету ў Даніі беларускія хакеісты ня здолелі перамагчы ніводную каманду сваёй групы. Падчас чэмпіянату быў звольнены канадзкі трэнэр Дэйв Льюіс, яго замяніў расейскі спэцыяліст Сяргей Пушкоў, які трэнуе гарадзенскі «Нёман».
У апошнім матчы са Славаччынай, які яшчэ застаецца правесьці беларускай зборнай, яе не ўратуе нават перамога.
Беларусь выступала ў найвышэйшым дывізіёне сусьветнага хакею апошнія 15 гадоў.
