Парлямэнт Армэніі большасьцю галасоў пасьля працяглага абмеркаваньня адмовіўся прызначыць прэм’ер-міністрам краіны дэпутата Нікола Пашыньяна.
За Пашыньяна прагаласавалі 45 дэпутатаў пры неабходных 53, супраць выказаліся 55. Галасавалі 100 дэпутатаў. Усяго ў парлямэнце 105 месцаў. Нікол Пашыньян ад 13 красавіка ўзначальвае вулічныя пратэсты у сталіцы краіны Ерэване. Пратэсты ўзьніклі пасьля таго, як былы прэзыдэнт краіны, прадстаўнік кіроўнай Рэспубліканскай партыі Армэніі (РПА) Сэрж Саргсьян, насуперак ранейшаму абяцаньню, высунуў сваю кандыдатуру на пасаду прэм’ер-міністра краіны.Згодна з Канстытуцыяй Рэспублікі Армэніі, у Нацыянальным сходзе на працягу 7 дзён будзе праведзена чарговае абраньне прэм’ер-міністра. Калі кандыдат ня будзе абраны, Нацыянальны сход будзе распушчаны.
Раней Саргсьян адпрацаваў дзьве кадэнцыі на пасадзе прэзыдэнта Армэніі.
У дзяржаве была праведзеная рэформа, якая зрабіла Армэнію не прэзыдэнцкай, але парлямэнцкай рэспублікай. У выніку рэформы найвышэйшай службовай асобай становіцца прэм'ер-міністар.
