Сёньня, 15 сакавіка, а 23-й гадзіне паводле менскага часу ўпершыню можна будзе пабачыць унікальную кінахроніку, зьнятую рэжысэрам Віталём Манскім 26 сакавіка 2000 году, у дзень першай перамогі Ўладзіміра Пуціна на прэзыдэнцкіх выбарах у Расеі. Прэм’ера адбудзецца на сайце Радыё Свабода.
«У 2018-м ужо няма Пуціна. Гэта ўжо не чалавек, так бы мовіць, з плоці і крыві. Гэта нейкі цмок. Шварцаўскі цмок, якога нават Пуцін сам пэрсанальна перамагчы не можа... Нават калі раптам ён прачнецца раніцай і зразумее, што ён зрабіў цэлы шэраг памылак, і трэба іх выправіць, ён ня зможа перамагчы Пуціна, вось гэтага цмока, які кіруе Расеяй і, на жаль, будзе кіраваць яшчэ вельмі доўга».
