Як паведаміла Міністэрства абароны Літвы, нідэрляндзкія вайскоўцы будуць адпрацоўваць апэрацыі па абароне і спыненьні наступу праціўніка.
Вучэньні працягнуцца да 23 верасьня.
«Вучэньні пройдуць у асноўным толькі ў дзённы час, выкарыстоўвацца будуць імітацыйныя боепрыпасы. Вайскоўцы паведамляюць, што вучэньні не закрануць паўсядзённага жыцьця жыхароў, яны пастараюцца стварыць як мага менш нязручнасьцяў», — адзначылі ў міністэрстве.
У баявую групу Батальёну перадавога базаваньня NATO ўваходзяць вайскоўцы з 13-ай лёгкай брыгады арміі Нідэрляндаў. У Літву нідэрляндзкія вайскоўцы даставілі ўсю прызначаную для падразьдзяленьня тэхніку — баявыя машыны пяхоты «Boxer» і машыны разнастайнага прызначэньня «Fennek».
У легендзе сумесных беларуска-расейскіх вучэньняў «Захад-2017», якія цяпер адбываюцца ў Беларусі, тэрыторыя Літвы пазначаная як «Лубенія» і «Весбарыя».
