Лідэр «Беларускага нацыянальнага кангрэсу» Мікола Статкевіч заклікаў 8 верасьня, у Дзень беларускай вайсковай славы, узяць удзел у акцыі папярэджаньня.
А 19-й гадзіне некалькі соцень чалавек сабраліся на Кастрычніцкай плошчы, дзе была прынятая рэзалюцыя супраць агрэсіўнай палітыкі Расеі. Пасьля калёна рушыла да мэмарыялу Перамогі, там актывісты ўсклалі кветкі да вечнага агню. Скончылася дзея на плошчы Якуба Коласа каля помніка партызанам — калектыўнай прысягай на вернасьць Беларусі.
Мікола Статкевіч заклікаў сваіх прыхільнікаў зноў сабрацца 20 кастрычніка на «Марш абураных беларусаў 2.0».
Глядзіце і чытайце жывы рэпартаж з акцыі
