Даражэй за ўсё у Менску каштуе сьвініна і памідоры. Цэны на хлеб і малако ў менскіх крамах меншыя. А алей, цукар і соль таньней набываць у Кіеве. Амаль аднолькава каштуюць кефір, грэчка і мука.
Параўнаньне Свабоды: Дзе таньнейшыя прадукты — у Менску ці ў Кіеве?
Свабода параўнала цэны на базавыя прадукты ў менскіх і кіеўскіх крамах.

1
Розьніца ў цэнах на сьвініну самая значная ў нашым параўнаньні. У менскай краме яна даражэйшая на 1 даляр і 20 цэнтаў. Тут і далей пазначаны цэны за кіляграм.

2
Памідоры у менскай краме даражэйшыя на 60 цэнтаў, гэта 1 рубель і 20 капеек.

3
У Кіеве хлеб каштуе даражэй на 20 цэнтаў.

4
Цэны на малако з аднолькавым адсоткам тлушчу ў Менску і ў Кіеве значна адрозьніваюцца. Так, у менскай краме малако таньнейшае на 38 цэнтаў.

5
А вось кефір у Менску і Кіеве каштуе амаль аднолькавыя. Розьніца складае толькі 3 цэнты.

6
Алей у Менску даражэйшы на 14 цэнтаў.

7
Цукар у Кіеве каштуе таньней на 7 цэнтаў.

8
У менскай і кіеўскай краме мы знайшлі аднолькавую соль украінскага вырабу. У Менску яна даражэйшая амаль у 2 разы.

9
Грэчка ў Менску і Кіеве каштуе амаль аднолькава. Розьніца складае 5 цэнтаў.

10
Тое самае і з мукой. Розьніца ў 6 цэнтаў.