«Вызваленьне было цалкам нечаканым. Яшчэ раніцай ад Алеся Кіркевіча атрымаў перадачу. А днём паведамілі: мяне вызваляюць пад падпіску аб нявыезьдзе».
Што да ўмоваў утрыманьня, абыходжаньня ў СІЗА, Сяргей Стрыбульскі кажа:
«Вось тут і сябры пытаюцца, ці не катавалі мяне. Да закатаванага я не падобны. Стаўленьне было нармальным. Допыты былі, сьледчыя дзеяньні праводзіліся, але іх было няшмат. Зьвесткі з волі даходзілі, я атрымліваў розныя выданьні, навіны атрымліваў. Але ў СІЗА ні зь кім па гэтай справе я не перасякаўся. Мяркуючы па тым, што людзей вызваляюць, хацелася б спадзявацца, што справа разваліцца, і вызваляць хутка ўсіх астатніх».
