Парлямэнцкая дэлегацыя Сэйму Польшчы наведала Беларусь 11–13 красавіка з афіцыйным візытам, сустрэлася з чальцамі Палаты прадстаўнікоў Беларусі і беларускай апазыцыяй, а таксама беларускімі палякамі.
Апошнім пунктам візыту стала ўскладаньне кветак і запальваньне зьнічоў у Курапатах, дзе пахаваныя ахвяры сталінскіх рэпрэсіяў — ня толькі беларусы, але і палякі. Разам з польскай дэлегацыяй у Курапатах быў дэпутат Палаты прадстаўнікоў Беларусі Андрэй Навумовіч.
