Першым сёньня судзілі праваабаронцу і сябра руху «За свабоду» Алеся Рамановіча. На праваабаронцу было складзена адразу ж два пратаколы: за ўдзел у несанкцыянаваным мерапрыемстве, а таксама непадпарадкаваньне супрацоўнікам міліцыі.
Алесь Рамановіч заявіў хадайніцтва аб адводзе судзьдзі, але гэты зварот судзьдзя адхіліў. На суд Алесь прыбыў адразу ж з рэчамі, паколькі чакае, што ў дачыненьні да яго будзе вынесена пакараньне ў выглядзе адміністрацыйнага арышту.
Цягам дня ў Пінску адбудзецца разгляд трох адміністрацыйных спраў над удзельнікамі мітынгаў.
