Аглядныя камісіі (па-расейску «смотровые комиссии». — РС) будуць зьбіраць інфармацыю пра эканамічны стан людзей мэтадам абыходу кватэр.
Пра гэта заяўляе старшыня гомельскага аблвыканкаму Вадзім Дворнік.
Аглядныя камісіі былі створаныя яшчэ некалькі гадоў таму, і вось толькі цяпер іх час прысьпеў.
«Калі ў сям’і ёсьць грамадзяне працаздольнага веку, якія не працуюць, ім трэба даць варыянты ўладкаваньня на працу», — кажа Вадзім Дворнік. Але не ўдакладняе, што будзе, калі грамадзянін адмовіцца ад прапанаванай працы або наагул ня пусьціць аглядную камісію да сябе ў хату.
