У сярэдзіне студзеня 2017 года прэзыдэнт ЗША Дональд Трамп падпісаў указ аб будаўніцтве сьцены на мяжы з Мэксікай. Два гады таму Эстонія і Украіна прыгразілі адгарадзіцца сьцяной ад Расеі. Літва і Латвія агучылі намер пабудаваць сьцяну на мяжы зь Беларусьсю. Але гэта не адзіныя выпадкі радыкальнага вырашэньня праблем з суседзямі. Свабода налічыла ня менш за дзясятак падобных выпадкаў.