Кіроўца прадаставіў да афармленьня дакумэнты на партыю масла, у якіх была паказаная цана тавару — 50 тыс. даляраў ЗША. Аднак пасьля вывучэньня дакумэнтаў на дадзены тавар, прадастаўленых мытным органам Чэхіі, устаноўлена, што яго рэальны кошт — 85 тыс. даляраў ЗША. Такім чынам, недабор мытных плацяжоў склаў бы больш за 18 тыс. беларускіх рублёў.
У адпаведнасьці з заканадаўствам 18 тон сьметанковага масла канфіскавана. За спробу ўхіленьня ад выплаты мытных плацяжоў пры перамяшчэньні тавару праз мяжу Эўразійскага эканамічнага зьвязу Віцебская мытня пачала адміністрацыйны працэс.
