45-гадовы Аляксандар Чысьцякоў і 36-гадовы Аляксей Лукаш, сьлесары «Барысаўгазу», прызнаныя вінаватымі ў прычыненьні сьмерці празь неасьцярожнасьць.
Паводле сьледзтва, яны падчас рамонту парушылі абавязковыя нормы і правілы карыстаньня бытавым газавым абсталяваньнем і ня выявілі парушэньняў у працы воданагравальнай калёнкі, што прывяло да ўтварэньня вокісу вугляроду (чаднага газу) у небясьпечна высокай канцэнтрацыі і да сьмерці 6 чалавек.
