Суд перайшоў да матэрыялаў справы
Суд перайшоў да агалошваньня пісьмовых матэрыялаў справы. Іх зачытвае пракурор Вольга Герасімовіч.
Бацькі Кондруся адмовіліся даваць паказаньні
Бацька Кондруся Ўладзімер Расьціслававіч ад дачы паказаньняў адмовіўся. Маці Кондруся Галіна таксама скарысталася правам адмовіцца ад паказаньняў.
Суд ня стаў зачытваць паказаньні Кондруся, спаслаўшыся на тое, што Кондрусь адмовіўся даваць паказаньні падчас сьледзтва. Пачаўся допыт сьведак.
Статкевіч пакінуў суд на знак пратэсту
З залі сышоў палітык Мікалай Статкевіч. Ён сказаў: «Судзіцеся самі з сабой» і сышоў. Пракурор пачала зачытываць абвінавачаньне.
Суд ідзе без падсуднага
Суд пачаўся, Кондруся гэтак і не прывялі. Судзьдзя забараніла фота і відэаздымкі на судзе. Начальнік канвоя паведаміў, што Кондрусь «катэгарычна адмаўляецца» прасьледаваць у залю. Судзьдзя Бандарэнка вырашыла, што Кондрусь будзе выдалены да канца працэсу.
Пракурор: Кондрусь нанёс 20 удараў трубой па вокнах Дома ўраду, ўдзельнічаў у масавых беспакадках, пацярпелі мілі… https://t.co/7wEaeVuPgV
— Радыё Свабода (@svaboda) 26.12.2016
Сястра Кондруся Ірына: За месяц ад брата была паштоўка з Калядамі. Спатканьня не дазволілі. Пра вынікі экспэртызы… https://t.co/yMo7z65UWE
— Радыё Свабода (@svaboda) 26.12.2016
У Маскоўскім райсудзе працяг працэсу над Уладзем Кондрусем за Плошчу. Падсуднага яшчэ не ўвялі, хаця час выйшаў.… https://t.co/cDfeb0mPd7
— Радыё Свабода (@svaboda) 26.12.2016