Перапынак, які быў абвешчаны на 30 хвілінаў, зацягнуўся на гадзіну.
Паседжаньне аднавілася.
Справу супраць памерлага ў СІЗА спынілі
Суд разгледзеў хадайніцтва адваката. У дачыненьні да памерлага Ігара Барбашынскага крымінальная справа была спыненая.
Для разгляду «вялікага аб’ёму дакумэнтаў» судзьдзя абвясьціла перапынак да 14.30.
Івана Барбашынскага вывелі з будынку суду. Бліжэйшыя 2 гадзіны ён правядзе ў ізалятары.
Паседжаньне аднавілася. Івана Барбашынскага прывялі ў залю ў кайданках.
Сьледчы камітэт адмовіўся распачаць крымінальную справу на міліцыянтаў, якія, меркавана, зьбілі братоў Барбашынскіх. #Барбашынскія
— Радыё Свабода (@svaboda) 16.11.2016
Дзяржаўны абвінаваўца зачытвае матэрыялы справы, у тым ліку заключэньне экспэрта па выніках мэдычнага агляду, праведзенага 20 сакавіка.
На наступны дзень пасьля затрыманьня ў Івана Барбашынскага былі выяўленыя пераломы шостага і сёмага рэбраў, траўма грудной клеткі, крывападцёк у вобласьці нырак і некалькі крывападцёкаў на голені.
Білі ботамі
Паводле дакумэнтаў справы, раней, падчас вочнай стаўкі з прапаршчыкам Ламейкам, Іван Барбашынскі сьцьвярджаў: «Пры затрыманьні мяне білі ботамі, прыціскалі да сьценкі ўнутры машыны».
Адвакат просіць далучыць да справы раздрукоўку званкоў з мабільнага тэлефона Ігара Барбашынскага. Той ноччу ён тэлефанаваў свайму сябру і дырэктару фірмы, дзе працаваў, з просьбай пра дапамогу.
Сьведка Дзьмітры Лысечка пачынае даваць паказаньні: "А першай ночы 20 сакавіка раздаўся званок ад Івана. У слухаўцы было чуваць спрэчку на падвышаным тоне. А пасьля: "Мужыкі, ня біце яго, калі ласка!"
Лысечка: «У слухаўцы я таксама пачуў фразу «Праедзем, таварыш маёр».
Паводле сьведкі, усяго ўначы 20 сакавіка яму тэлефанавалі двойчы: адзін раз Ігар і адзін — Іван.
Судзьзя зачытвае матэрыялы справы, да якіх далучылі запіс з кнігі рэгістрацыі Слуцкага РУУС.
Судзьдзя запрасiла пацярпелага мiлiцыянта, пракурора i адваката да прагляду запiсу з камэры назiраньня ў кавярнi, дзе позна вечарам 19 сакавiка адпачывалi браты Барбашынскiя.
Вiдэазапiс з кавярнi далучаны да справы. Пачаўся прагляд запiсу зь вiдэарэгiстратара службовай машыны патрульна-паставой службы.
Абвешчаны перапынак, паседжаньне адновiцца 17 лiстапада а 10:30. Абвiнавачаны Iван Барбашынскi застанецца ў сьледчым iзалятары ў Слуцку. Мацi Iвана: «Мы ня трацім веры, што праўда будзе на нашым баку». Пацярпелыя мiлiцыянты адразу пакiнулi будынак суду.