Апытаньне ў дзень выбараў у ЗША паказала, што большасьць амэрыканцаў, які прагаласавалі на выбарах прэзыдэнта, лічаць, што амэрыканская эканоміка рухаецца ў няправільным кірунку і што палітычны істэблішмэнт абыякавы да эканамічных цяжкасьцяў, зь якімі сутыкаецца большасьць простых выбарнікаў.
Апытаньне Reuters/Ipsos, апублікаванае 8 лістапада, сьведчыць, што большасьць выбарнікаў лічаць неабходным зацугляць «багатых і ўплывовых» (rich and powerful).
Апытаньне ахоплівала 10,000 чалавек, якія прагаласавалі на прэзыдэнцкіх выбарах, у якіх ідзе напружанае змаганьне паміж кандыдатамі ад дзьвюх асноўных палітычных партый — Гілары Клінтан ад Дэмакратычнай і Доналдам Трампам ад Рэспубліканскай.
Паводле апытаньня, па 72 працэнты амэрыканскіх выбарнікаў лічаць, што эканоміка ЗША «пабудаваная, каб спрыяць багатым і магутным», а «традыцыйныя партыі і палітыкі ня дбаюць пра такіх людзей як я».
Пры гэтым 75 працэнтаў пагадзіліся зь цьверджаньнем, што «Амэрыцы патрэбны моцны лідэр, каб забраць краіну назад у багатых і ўплывовых».
