1 сакавіка ў Менску, у бізнэс-цэнтры «SV Plaza», адкрыўся полькі візавы цэнтар. Таксама візавыя цэнтры Польшчы былі сёньня адчыненыя ў Берасьці, Гародні і Гомелі. Іх апэратар — кампанія VFS Global. Яна выйграла тэндэр, які праводзіла Міністэрства замежных спраў Польшчы.
Часовы павераны ў справах Польшчы ў Беларусі Міхал Хабрас адзначыў, што было вырашана адначасова адкрыць адразу чатыры візавыя цэнтры, таму ў Менску пакуль пайшлі на часовы варыянт, і ў Менску польскія візы пакуль будуць выдавацца ў адным памяшканьні зь літоўскімі.
