Такое рашэньне было прынята ў пятніцу ў Белым доме — на сустрэчы кіраўніцтва ведамстваў па нацыянальнай бясьпекі і службаў выведкі з вядучымі кампаніямі ў галіне кампутарных тэхналёгій.
Амэрыканскі ўрад заклікае тэхналягічныя кампаніі больш актыўна перашкаджаць вярбоўцы экстрэмістамі ў інтэрнэце прыхільнікаў і плянаваньню імі нападаў.
У кансультацыях бралі ўдзел прадстаўнікі кіраўніцтва Apple, Facebook, Google, Twitter, Microsoft, Yahoo, Linkedin.
Адзначалася, што нядаўнія тэракты ў Парыжы і Каліфорніі паказалі, як рэсурсы сацыяльных сетак могуць выкарыстоўвацца для прапаганды экстрэмізму.
