Фонд барацьбы з карупцыяй Аляксея Навальнага апублікаваў фільм-расьсьледаваньне, прысьвечаны сям’і генэральнага пракурора Расейскай Фэдэрацыі Юрыя Чайкі.
Навальны назваў гэта «расьсьледаваньнем году». Фільм называецца «Чайка. Крымінальная драма ў пяці дзеяньнях».
Расьсьледаваньне цалкам прысьвечанае дзецям генпракурора Расейскай Фэдэрацыі. У прыватнасьці, юрысты фонду абвінавачваюць старэйшага сына генпракурора Арцёма ў валоданьні бізнэс-імпэрыяй, якая быццам бы стваралася з выкарыстаньнем крымінальных схемаў і рэйдэрскіх захопаў і прыкрывалася сувязямі бацькі Юрыя Чайкі.
На 30-й хвіліне фільма Арцём Чайка зьяўляецца ў кампаніі сына Аляксандра Лукашэнкі Віктара Лукашэнкі.
Паводле матэрыялаў расьсьледаваньня змантажаваны 44-хвілінны фільм.
