Француская паліцыя апублікавала фатаграфію меркаванага ўдзельніка пятнічных тэрактаў, які да гэтага часу знаходзіцца на волі.
Паліцыя сьцьвярджае, што гэта 26-гадовы жыхар Брусэля на імя Салах Абдэслам. У паліцыі папярэджваюць, што так званы «восьмы падазраваны» небясьпечны для навакольных, і заклікаюць усіх, хто валодае інфармацыяй пра яго, зьвязацца з уладамі.
Салах Абдэслам зьяўляецца адным з трох братоў, зьвязаных з сэрыяй амаль адначасовых тэрактаў, якія адбыліся ў розных раёнах Парыжа ў пятніцу вечарам.
Другі брат, Ібрахім Салах, падарваў сябе ў канцэртнай залі «Батаклан» падчас атакі, якая забрала жыцьці больш за 80 чалавек. Бэльгійскія ўлады шукаюць трэцяга брата.
