Фатаграфію апублікаваў карыстальнік Twitter з Японіі, паведамляе агенцтва УНІАН са спасылкай на выданьне Business Insider. На здымку бачна, як расьліна муціравала з прычыны патрапленьня ў грунтавыя воды радыеактыўных рэчываў.
Дзіўнага выгляду расьліны — не адзінае наступства ўзьдзеяньня радыяцыі. Раней зь Японіі паступалі паведамленьні пра мутацыі трусоў і гародніны.
11 сакавіка 2011 году на паўночна-ўсходнім узьбярэжжы галоўнага востраву Японіі Хансю адбыўся разбуральны землятрус. Прыродная катастрофа прывяла да аварыі на АЭС «Фукусіма-1», якая суправаджалася выкідамі радыеактыўных рэчываў.
