Рэжысэр Іна Дзянісава сустракалася і з прыхільнікамі анэксіі, і з тымі, хто пакідае паўвыспу, дзе «звужаецца прастора душы».
У дзень выхаду шырока разрэклямаванага тэлефільму Андрэя Кандрашова «Крым. Шлях на Радзіму», дзе здымаўся Ўладзімір Пуцін, на сайце Радыё Свабода — прэм’ера зусім іншага фільму: прыватнага сьведчаньня таго, як пасьля захопу Крыму зьмяняецца жыцьцё людзей, якія любяць гэтую зямлю.
Аўтар фільму — маскоўская журналістка Іна Дзянісава — правяла дзяцінства ў Сымфэропалі, і, пабываўшы мінулым летам на радзіме, заўважыла трывожныя перамены. Іна Дзянісава гаварыла і з прыхільнікамі анэксіі, і з абыякавымі, і з тымі, хто вырашыў, што жыцьцё на паўвостраве стала невыносным.
