«Займаюся аднаўленьнем працы. Мне кожная хвіліна дарагая, выбачайце, калі ласка», — сказаў карэспандэнту Свабоды дырэктар кампаніі БелаПАН Алесь Ліпай.
Паводле іншай супрацоўніцы БелаПАН, «цяпер вырашаецца пытаньне з тым, каб падпісчыкі, якія бралі інфармацыю з сайту, маглі без перашкод атрымаць навіны кампаніі, а потым вырашаць усе іншыя праблемы».
Блякаваньне сайту belapan. com пачалося ў суботу, 20 сьнежня, пасьля таго як днём раней былі заблякаваныя сайты charter97.org, belaruspartizan. org ды іншыя.
