Арганізацыя захавала цяперашнія квоты на здабычу нафты — 30 мільёнаў барэляў у суткі на наступныя паўгады.
Пра гэта паведаміў прадстаўнік арганізацыі Хасан Абдул Хамід на прэсавай канфэрэнцыі па выніках 166-га саміту картэлю.
Цэны на нафту адрэагавалі на гэтае рашэньне далейшым падзеньнем. Цана нафты WTI ў Нью-Ёрку ўпала да $69.11 за барэль, у Лёндане цана нафты маркі Brent ўпала да $72.74 за барэль.
Гэта самыя нізкія паказьнікі за чатыры гады. Расейская нафта звычайна прадаецца яшчэ на некалькі даляраў таньней.
З чэрвеня цана нафты ўжо ўпала на 35 парцэнтаў, у Міжнародным энэргетычным агенцтве мяркуюць, што падзеньне цэнаў нафты ня скончылася і будзе працягвацца ў 2015 годзе, паведамляе агенцтва AFP.
