Пісьменьнік за кратамі — штогадовая акцыя ў гонар тых, каго ўлады трымаюць у турме за тое, што яны напісалі. Міжнародны Пэн-клюб праводзіць такія акцыі салідарнасьці ад 1981 году.
Праз чвэрць стагодзьдзя пасьля падзеньня Бэрлінскай сьцяны колькасьць пісьменьнікаў, якія трапляюць за краты ў Эўропе, зьменшылася драматычна, у дзясяткі разоў. Сёньня найбольш пісьменьнікаў у турмах Азіі і Афрыкі.
Але ў Беларусі за кратамі ствараецца цэлая літаратура, дзесяткі аўтараў намінуюцца на прэмію імя Францішка Аляхновіча.
Ляўрэат узнагароды ПЭНу «Пісьменьнік адвагі», аўтар турэмных успамінаў журналістка Ірына Халіп сёлета ў гэты дзень выступае ў Ірляндыі. Яна прачытала герогліф турмы наадварот.
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас maksymiukj@rferl.org. Аўтарства чытацкіх допісаў пазначым, ганарараў плаціць ня будзем.
