У кніжнай сэрыі «Бібліятэка Свабоды. ХХІ стагодзьдзе» выйшаў альбом «(НЕ:) вясёлыя карцінкі». Гэта іранічныя ілюстрацыі падзеяў у Беларусі, якія штодня зьяўляюцца на сайце Радыё Свабода. А побач зь імі вершы, натхнёныя гэтымі карцінкамі.
Хто яны, аўтары незвычайнай кніжкі — мастак ДэЛёс і паэт ДаСьлёз? Што ім карціць? Яны — людзі добрыя ці злыя?
А хто ж яны, такія дзіўныя пэрсанажы кнігі? У якіх сюжэтах, гісторыях бяруць удзел? Яны — героі толькі сёньняшняга дня, ці ім наканаванае доўгае жыцьцё?
Якая якасьць сьмеху карцінак і вершаў гэтай кнігі? Ці адэкватная яна часу і падзеям у Беларусі? Увогуле — ці можна з гумарам глядзець на беларускія падзеі нашых дзён і на які гумар адгукаюцца беларусы?
Ці палюбіць гэту кнігу шырокі чытач? Які можа быць яе лёс?
У перадачы бяруць удзел укладальнік кнігі, журналіст Свабоды Аляксей Знаткевіч і сябра аўтараў кнігі, паэт, літаратуразнавец Андрэй Хадановіч. Вядзе перадачу Вячаслаў Ракіцкі.
