4 лістапада кіраўнікі дыпляматычных місіяў краін Эўрапейскага Зьвязу, а таксама павераны ў справах Злучаных Штатаў Амэрыкі ў Рэспубліцы Беларусь ушанавалі памяць ахвяраў таталітарных рэжымаў ва ўрочышчах Курапаты і Благаўшчына.
Дыпляматы традыцыйна наведваюць гэтыя мясьціны з нагоды Дзядоў, паведамляе прадстаўніцтва Эўразьвязу ў Беларусі.
У Курапатах дыпляматы ўсклалі кветкі да мэмарыяльных знакаў, у тым ліку ля Крыжа памяці і каля валуна, якім пазначана месца, абранае ўрадам Беларусі для ўзьвядзеньня мэмарыялу.
