Раней адна з глядачак распавяла тэлеканалу «Дождж», што праз паўгадзіны пасьля пачатку канцэрту пяць-шэсьць мужчын, якія сядзелі ў першым шэрагу, падняліся зь месцаў, сталі крычаць, абвінавачваючы Макарэвіча ў здрадзе радзімы і раскідваючы ўлёткі.
Пасьля гэтага музыка сказаў: «Дзякуй, калі вы скончылі, дазвольце, я працягну канцэрт», і гледачы сталі пляскаць у ладкі, падтрымліваючы яго. Мужчын, якія крычалі, нэўтралізавала ахова. Неўзабаве людзі, кашляючы, пачалі пакідаць першыя шэрагі, і стала ясна, што невядомыя распылілі пярцовы газ.
У Доме музыкі Макарэвіч выступаў са сваім праектам «Ідыш джаз».
Пазьней «Інтэрфакс» са спасылкай на крыніцу ў праваахоўных органах паведаміў, што канцэрт быў працягнуты і што сарваць яго спрабаваў адзін чалавек, якога затрымалі.
Апошнімі днямі канцэрты Макарэвіча былі адмененыя ў Кіраве, Пецярбургу, Навасібірску і Самары і шэрагу іншых расейскіх гарадоў.
Макарэвіч лічыць, што супраць яго вядзецца кампанія цкаваньня і зьвязана гэта зь яго пазыцыяй адносна сытуацыі ва Ўкраіне.
У лютым музыка выступіў супраць уводу расейскіх войскаў у Крым, а затым прымаў удзел у антываенным маршы ў Маскве. У пачатку жніўня Макарэвіч выступіў на ўсходзе Ўкраіны з дабрачыннымі канцэртамі ў дапамогу бежанцам. Некаторыя СМІ і частка расейскай грамадзкасьці палічылі, што ён выступаў перад украінскімі вайскоўцамі, і назвалі яго дзеяньні «антырасейскімі».
Адказнасьць за зрыў канцэрту Андрэя Макарэвіча ў Доме музыкі ў Маскве ўзялі на сябе актывісты незарэгістраванай партыі «Другая Расея». Пра гэта яны напісалі ў твітэры.
Яшчэ на гэтую тэму
Самае папулярнае
1