Каля 9-й ранку 8 верасьня на плошчы Якуба Коласа ў Менску зьявіўся вялізны бел-чырвона-белы сьцяг, які правісеў 1,5 гадзіны.
Гэткім чынам актывісты БХД вырашылі павіншаваць менчукоў з 500-годзьдзем вялікай Перамогі пад Воршай. Чартырохметровы сьцяг на доме, дзе месьціцца унівэрсам "Сталічны", правісеў больш за гадзіну.
Транспарант з віншаваньнем да 500 угодкаў перамогі ў бітве пад Оршай зьявіўся ўчора ўвечары над менскай кальцавой дарогай.
