У лісьце актывісту начальнік Цэнтральнага РАУС Віктар Афанасенка паведаміў, што ў дзеяньнях нападнікаў няма складу адміністрацыйнага правапарушэньня, і справа супраць іх спынена.
3 траўня трое гараджанаў нападпітку ўчынілі брудную лаянку ля дома спадара Жукоўскага, адзін зь іх зламаў замок у брамцы і пагражаў расправай, згадваючы пры гэтым «бандэраўцаў» і «фашыстаў».
Разьюшыўся нападнік з-за таго, што на сваім прыватным доме Кастусь вывесіў на знак салідарнасьці побач зь бел-чырвона-белым і ўкраінскі блакітна-жоўты сьцяг.
Актывіст выклікаў міліцыю. Нападнікаў затрымалі, але неўзабаве адпусьцілі. У заяве Жукоўскі прасіў прыцягнуць іх да крымінальнай адказнасьці за распальваньне міжнацыянальнай варожасьці, пагрозы забойствам і пашкоджаньне маёмасьці. Аднак міліцыя не знайшла ў дзеяньнях нападнікаў нават складу адміністрацыйнага правапарушэньня.
Жукоўскі: «Мяркую, што гэта адзін з варыянтаў уціску на іншадумцаў, увогуле на ўсю апазыцыю. Актывіста могуць пакараць арыштам, што ён нібыта лаяўся ўначы на пустой вуліцы. А тут нарад міліцыі стаў сьведкам і лаянкі, і абразы, і пагрозы расправы, і яўнай непавагі да грамадзтва — і нічога. Выглядае, што міліцыя стала на бок хуліганаў і на падтрымку беззаконьня».
Дарэчы, з Белдзяржстраху, куды Кастусь накіраваў заяву на спагнаньне матэрыяльнай шкоды за пашкоджаную маёмасьць, таксама прыйшла адмова: маўляў, калі няма складу адміністрацыйнага правапарушэньня, то ня варта чакаць і кампэнсацыі.
На бязьдзеяньне міліцыі Жукоўскі накіраваў скаргі ў адміністрацыю прэзыдэнта і пракуратуру.
3 траўня трое гараджанаў нападпітку ўчынілі брудную лаянку ля дома спадара Жукоўскага, адзін зь іх зламаў замок у брамцы і пагражаў расправай, згадваючы пры гэтым «бандэраўцаў» і «фашыстаў».
Разьюшыўся нападнік з-за таго, што на сваім прыватным доме Кастусь вывесіў на знак салідарнасьці побач зь бел-чырвона-белым і ўкраінскі блакітна-жоўты сьцяг.
Актывіст выклікаў міліцыю. Нападнікаў затрымалі, але неўзабаве адпусьцілі. У заяве Жукоўскі прасіў прыцягнуць іх да крымінальнай адказнасьці за распальваньне міжнацыянальнай варожасьці, пагрозы забойствам і пашкоджаньне маёмасьці. Аднак міліцыя не знайшла ў дзеяньнях нападнікаў нават складу адміністрацыйнага правапарушэньня.
Жукоўскі: «Мяркую, што гэта адзін з варыянтаў уціску на іншадумцаў, увогуле на ўсю апазыцыю. Актывіста могуць пакараць арыштам, што ён нібыта лаяўся ўначы на пустой вуліцы. А тут нарад міліцыі стаў сьведкам і лаянкі, і абразы, і пагрозы расправы, і яўнай непавагі да грамадзтва — і нічога. Выглядае, што міліцыя стала на бок хуліганаў і на падтрымку беззаконьня».
Дарэчы, з Белдзяржстраху, куды Кастусь накіраваў заяву на спагнаньне матэрыяльнай шкоды за пашкоджаную маёмасьць, таксама прыйшла адмова: маўляў, калі няма складу адміністрацыйнага правапарушэньня, то ня варта чакаць і кампэнсацыі.
На бязьдзеяньне міліцыі Жукоўскі накіраваў скаргі ў адміністрацыю прэзыдэнта і пракуратуру.
