Удзельнікі акцыі памяці ў Кіеве пратэставалі каля расейскай амбасады
Паўло Зубʼюк
Удзельнікі акцыі памяці ў Кіеве пратэставалі каля расейскай амбасады
Сёньня раніцай у Кіеве працягнуліся распачатыя ўчора акцыі памяці ахвяраў дэпартацыі крымскататарскага народу «Запалі агменьчык у сваім сэрцы».
Пасьля мітынгу каля помніка Тарасу Шаўчэнку каля тысячы чалавек пад сьцягамі крымскататарскага народу вырушылі да расейскае амбасады каб засьведчыць свой пратэст супраць палітыкі расейскіх акупацыйных уладаў у Крыме.
Учора увечары на Міхайлаўскай плошчы Кіева адбылася традыцыйная акцыя памяці ахвяраў дэпартацыі. На акцыі выступіў адзін зь лідэраў крымскіх татараў, дысыдэнт і народны дэпутат украінскага парлямэнту Мустафа Джамілёў, а таксама вядомы расейскі дысыдэнт Уладзімір Букоўскі.
Усе акцыі з нагоды 70-й гадавіны дэпартацыі ў Крыме забароненыя. У цэнтар Сімферопалю сьцягнутыя расейскія войскі і паліцыя.
