Пасьля таго, як натоўп зьявіўся пад сьценамі абласнога ўпраўленьня МУС, галоўны міліцыянт Уладзімер Гуслаўскі напісаў рапарт аб адстаўцы ў абмен на тое, што актывісты не будуць захопліваць будынак міліцыі.
Прыходзілі людзі з аўтаматамі і на абласную тэлерадыёкампанію. Ім далі прамы эфір. Выступіў чалавек у камуфляжы — Вячаслаў Пятроў. У тытрах было напісана, што ён прадстаўнік штабу «Вольнай Луганскай рэспублікі».
У выступе ён заклікаў жыхароў вобласьці не панікаваць, а рыхтавацца да рэфэрэндуму, які адбудзецца 11 траўня.
