Вінаградаву працягнулі нагляд на паўгода

24 красавіка такое рашэньне прыняў суд Маскоўскага раёну Менску.

«А яшчэ мне далі зразумець, што альбо я заўтра зьяжджаю ў Беразіно да 3 чэрвеня, альбо паеду на Акрэсьціна. І я выбіраю Беразіно», — напісаў у Фэйсбуку актывіст.

Павал Вінаградаў быў асуджаны за Плошчу-2010. Выйшаў на волю датэрмінова, але адразу яго паставілі на прэвэнтыўны нагляд. За час нагляду актывіст зазнаваў адміністратыўны перасьлед за грамадзкую актыўнасьць.