У лісьце ад 21 сакавіка, дырэктар інфармагенцтва «Россия сегодня» Дзьмітры Кісялёў заявіў, што запыт BBG аб падаўжэньні кантракту на вяшчаньне ў Расеі не задаволяць.
Паводле гэтага рашэньня, з канца сакавіка спыняецца вяшчаньне апошніх праграм «Голаса Амэрыкі», якія заставаліся ў расейскім эфіры. Сярод іх навінавыя перадачы на рускай мове і ўрокі ангельскай мовы на частаце 810 AM у Маскве.
«Масква абрала няправільны шлях і вырашыла абмяжоўваць свабоду слова», — заявіў кіраўнік BBG Джэф Шэл.
«Мы заклікаем спадара Кісялёва і іншых прадстаўнікоў расейскіх уладаў адкрыць расейскі эфір для нашых праграм і праграм іншых міжнародных СМІ. Мы просім даць нам роўныя ўмовы: у той час як ціск Масквы на мэдыя-прастору ўзмацняецца, расейскія СМІ, у тым ліку канал Russia Today, які знаходзіцца ў падпарадкаваньні спадара Кісялёва, карыстаюцца адкрытым доступам да вяшчаньня ў ЗША і па ўсім сьвеце. Расейскія грамадзяне заслугоўваюць такой самай свабоды доступу да інфармацыі», — цытуе «Голас Амэрыкі» Джэфа Шэла.
Аб’ём вяшчаньня «Голаса Амэрыкі» і «Радыё Свабода» / «Радыё Свабодная Эўропа» дасягнуў піку ў 2005 годзе, калі рускамоўныя перадачы «Голаса Амэрыкі» трансьляваліся на нацыянальных тэлеканалах, а «Голас Амэрыкі» і «Радыё Свабода» актыўна супрацоўнічалі з расейскімі радыёстанцыямі. Аднак расейскія ўлады сталі больш пільна сачыць за гэтымі станцыямі і запатрабавалі, каб яны зноўку падалі дакумэнты на атрыманьне ліцэнзій.
З 2006 году, адмаўляючы ў ліцэнзіях адным радыёстанцыям і запалохваючы астатнія, урад РФ сыстэматычна скарачаў аб’ём вяшчаньня праграм BBG на тэрыторыі Расеі і практычна цалкам спыніў трансьляцыю перадач на тэлебачаньні. У 2012 годзе «Радыё Свабода» выціснулі з апошняй расейскай радыёстанцыі ў АМ-дыяпазоне ў Маскве.
Дзьмітры Кісялёў вядомы сваімі рэзкімі антызаходнімі і гамафобнымі выказваньнямі на расейскім дзяржаўным тэлебачаньні. У сьнежні 2013 году яго прызначылі кіраўніком міжнароднага інфармагенцтва «Россия Сегодня», створанага на базе радыёстанцыі «Голас России» і агенцтва РИА «Новости».
У Расеі тым часам імкліва разгортваецца кампанія супраць апазыцыйных і незалежных СМІ.
Паводле гэтага рашэньня, з канца сакавіка спыняецца вяшчаньне апошніх праграм «Голаса Амэрыкі», якія заставаліся ў расейскім эфіры. Сярод іх навінавыя перадачы на рускай мове і ўрокі ангельскай мовы на частаце 810 AM у Маскве.
«Масква абрала няправільны шлях і вырашыла абмяжоўваць свабоду слова», — заявіў кіраўнік BBG Джэф Шэл.
«Мы заклікаем спадара Кісялёва і іншых прадстаўнікоў расейскіх уладаў адкрыць расейскі эфір для нашых праграм і праграм іншых міжнародных СМІ. Мы просім даць нам роўныя ўмовы: у той час як ціск Масквы на мэдыя-прастору ўзмацняецца, расейскія СМІ, у тым ліку канал Russia Today, які знаходзіцца ў падпарадкаваньні спадара Кісялёва, карыстаюцца адкрытым доступам да вяшчаньня ў ЗША і па ўсім сьвеце. Расейскія грамадзяне заслугоўваюць такой самай свабоды доступу да інфармацыі», — цытуе «Голас Амэрыкі» Джэфа Шэла.
Аб’ём вяшчаньня «Голаса Амэрыкі» і «Радыё Свабода» / «Радыё Свабодная Эўропа» дасягнуў піку ў 2005 годзе, калі рускамоўныя перадачы «Голаса Амэрыкі» трансьляваліся на нацыянальных тэлеканалах, а «Голас Амэрыкі» і «Радыё Свабода» актыўна супрацоўнічалі з расейскімі радыёстанцыямі. Аднак расейскія ўлады сталі больш пільна сачыць за гэтымі станцыямі і запатрабавалі, каб яны зноўку падалі дакумэнты на атрыманьне ліцэнзій.
З 2006 году, адмаўляючы ў ліцэнзіях адным радыёстанцыям і запалохваючы астатнія, урад РФ сыстэматычна скарачаў аб’ём вяшчаньня праграм BBG на тэрыторыі Расеі і практычна цалкам спыніў трансьляцыю перадач на тэлебачаньні. У 2012 годзе «Радыё Свабода» выціснулі з апошняй расейскай радыёстанцыі ў АМ-дыяпазоне ў Маскве.
Дзьмітры Кісялёў вядомы сваімі рэзкімі антызаходнімі і гамафобнымі выказваньнямі на расейскім дзяржаўным тэлебачаньні. У сьнежні 2013 году яго прызначылі кіраўніком міжнароднага інфармагенцтва «Россия Сегодня», створанага на базе радыёстанцыі «Голас России» і агенцтва РИА «Новости».
У Расеі тым часам імкліва разгортваецца кампанія супраць апазыцыйных і незалежных СМІ.
