Як паўплывалі падзеі ў Крыме на продаж пуцёвак у санаторый «Белоруссия», які належыць кіраўніцтву спраў Аляксандра Лукашэнкі? У беларускай дзяржаўнай кампаніі «Цэнтркурорт», дзе можна набыць пуцёўку на лячэньне ў Місхоры, кажуць, што сытуацыя замерла:
«Калі толькі пачыналася ўсё, яшчэ да рэфэрэндуму, два чалавекі прыйшлі і здалі пуцёўкі. А зараз — не здаюць і асабліва не купляюць. Чакаюць, што будзе далей. Дый набылі пуцёвак на лета пакуль няшмат — можа, чалавек шэсьць».
На маю просьбу супрацоўніца Ірына паглядзела, ці ёсьць пуцёўкі на першы летні месяц. Аказалася, на чэрвень можна заказаць і двухмесныя нумары, і аднамесныя. Пуцёўкі для двух дарослых і 10-гадовае дзіця ў аднапакаёвым нумары абыдуцца амаль у 2 тысячы даляраў. Але мае сумненьні, ці варта заказваць пуцёўкі цяпер, супрацоўніца шчыра падтрымала:
«Так, разумею вас. З аднаго боку, быццам будзе нармальна. Вось літаральна ўчора крымскія партнэры напісалі, што яны ўжо адносяцца да Расеі, што ўсё ў нас добра. Але, да прыкладу, калі Захад ці Ўкраіна вырашаць нейкія акцыі правесьці? Ніхто ж загадзя ня ведае, куды там яно павернецца і чым скончыцца, як адаб’ецца на адпачывальніках. Таму гарантаваць вам, што ўсё будзе добра, я, прыкладам, не магу».
Зь Беларусі ў Крым можна дабрацца альбо самалётам да Сымфэропаля, альбо датуль жа цягніком. Квіткі на самалёт абыдуцца прыкладна ў 250 эўра ў два бакі, цягніком у купэ — амаль столькі ж, пляцкартай таньней — пакуль квіток на цягнік зь Менску да Сымфэропаля каштуе 700 тысяч рублёў, але летам падаражэе. На сёньня ў Крым празь дзень ходзіць наўпроставы цягнік зь Менску, альбо можна дабрацца і ў прычапным вагоне да Кіева, а адтуль — на Крым. На Беларускай чыгунцы запэўнілі, што цягнікі ходзяць паводле раскладу і праблемаў у дарозе не ўзьнікае.
«У нас як хадзілі цягнікі, гэтак і ходзяць. Ніякіх адменаў не было, усё па-ранейшаму».
Супрацоўнік управы пасажырскіх перавозак Беларускай чыгункі ня стаў камэнтаваць магчымыя наступствы для чыгуначных зносін з Крымам пасьля ўвядзеньня ва Ўкраіне візаў для грамадзянаў Расеі. «Ці ўзьнікне мяжа паміж Украінай і Крымам, ці павялічыць гэта час праезду да Крыму, якія яшчэ будуць наступствы — пакуль гэта не абмяркоўваем. Паглядзім», — сказаў супрацоўнік.
Тыя, хто вырашыць дабірацца да Крыму самалётам, сёньня яшчэ ня маюць магчымасьці наўпрост зь Менску прыляцець у Сымфэропаль — толькі да Кіева і адтуль у Крым. Летась у сакавіку было гэтаксама, але з пачатку чэрвеня самалёты Белавія пачыналі рэгулярныя рэйсы ў Крым зь Менску. Ці будзе гэтак і сёлета? Намесьнік кіраўніка Белавія Ігар Чаргінец паведаміў, што кампанія рыхтуецца адкрыць рэгулярную лінію ў Сымфэропаль з чэрвеня, але са стопрацэнтнай пэўнасьцю сказаць, што ўсё атрымаецца, ня ўзяўся.
«Цяжка цяпер пра нешта казаць увогуле... Пакуль мы рыхтуемся, сэзон у нас ідзе нармальна».
«Калі толькі пачыналася ўсё, яшчэ да рэфэрэндуму, два чалавекі прыйшлі і здалі пуцёўкі. А зараз — не здаюць і асабліва не купляюць. Чакаюць, што будзе далей. Дый набылі пуцёвак на лета пакуль няшмат — можа, чалавек шэсьць».
На маю просьбу супрацоўніца Ірына паглядзела, ці ёсьць пуцёўкі на першы летні месяц. Аказалася, на чэрвень можна заказаць і двухмесныя нумары, і аднамесныя. Пуцёўкі для двух дарослых і 10-гадовае дзіця ў аднапакаёвым нумары абыдуцца амаль у 2 тысячы даляраў. Але мае сумненьні, ці варта заказваць пуцёўкі цяпер, супрацоўніца шчыра падтрымала:
«Так, разумею вас. З аднаго боку, быццам будзе нармальна. Вось літаральна ўчора крымскія партнэры напісалі, што яны ўжо адносяцца да Расеі, што ўсё ў нас добра. Але, да прыкладу, калі Захад ці Ўкраіна вырашаць нейкія акцыі правесьці? Ніхто ж загадзя ня ведае, куды там яно павернецца і чым скончыцца, як адаб’ецца на адпачывальніках. Таму гарантаваць вам, што ўсё будзе добра, я, прыкладам, не магу».
Вось літаральна ўчора крымскія партнэры напісалі, што яны ўжо адносяцца да Расеі, што ўсё ў нас добра
Зь Беларусі ў Крым можна дабрацца альбо самалётам да Сымфэропаля, альбо датуль жа цягніком. Квіткі на самалёт абыдуцца прыкладна ў 250 эўра ў два бакі, цягніком у купэ — амаль столькі ж, пляцкартай таньней — пакуль квіток на цягнік зь Менску да Сымфэропаля каштуе 700 тысяч рублёў, але летам падаражэе. На сёньня ў Крым празь дзень ходзіць наўпроставы цягнік зь Менску, альбо можна дабрацца і ў прычапным вагоне да Кіева, а адтуль — на Крым. На Беларускай чыгунцы запэўнілі, што цягнікі ходзяць паводле раскладу і праблемаў у дарозе не ўзьнікае.
«У нас як хадзілі цягнікі, гэтак і ходзяць. Ніякіх адменаў не было, усё па-ранейшаму».
Супрацоўнік управы пасажырскіх перавозак Беларускай чыгункі ня стаў камэнтаваць магчымыя наступствы для чыгуначных зносін з Крымам пасьля ўвядзеньня ва Ўкраіне візаў для грамадзянаў Расеі. «Ці ўзьнікне мяжа паміж Украінай і Крымам, ці павялічыць гэта час праезду да Крыму, якія яшчэ будуць наступствы — пакуль гэта не абмяркоўваем. Паглядзім», — сказаў супрацоўнік.
Тыя, хто вырашыць дабірацца да Крыму самалётам, сёньня яшчэ ня маюць магчымасьці наўпрост зь Менску прыляцець у Сымфэропаль — толькі да Кіева і адтуль у Крым. Летась у сакавіку было гэтаксама, але з пачатку чэрвеня самалёты Белавія пачыналі рэгулярныя рэйсы ў Крым зь Менску. Ці будзе гэтак і сёлета? Намесьнік кіраўніка Белавія Ігар Чаргінец паведаміў, што кампанія рыхтуецца адкрыць рэгулярную лінію ў Сымфэропаль з чэрвеня, але са стопрацэнтнай пэўнасьцю сказаць, што ўсё атрымаецца, ня ўзяўся.
«Цяжка цяпер пра нешта казаць увогуле... Пакуль мы рыхтуемся, сэзон у нас ідзе нармальна».
