«Вы ўступілі ў новы пэрыяд сваёй дзяржаўнасьці. Само па сабе гэта ўжо выпрабаваньне як для ўраду, так і для ўсяго ўкраінскага грамадзтва. На вялікі жаль, зьмены, якія адбыліся ў вашай краіне, азмрочаныя гібельлю людзей... Мы лічым, што кроў не павінна праліцца яшчэ раз. Памяць пра Нябесную сотню Майдана абавязвае ўсіх ўтрымацца ад разьвязваньня вайны... Цяпер вы сутыкнуліся з праблемай сэпаратызму, якая пагражае выліцца ва ўзброены канфлікт. Рэфэрэндум па далучэньні Крыму да Расеі зьяўляецца замахам на тэрытарыяльную цэласнасьць Украіны і супярэчыць яе Канстытуцыі і нормам міжнароднага права», — падкрэсьліваецца ў звароце.
Падпісанты «рашуча асуджаюць усе спробы дзяліць Украіну па этнічным прынцыпе» і выступаюць за «мірнае вырашэньне праблемаў унутры краіны самімі грамадзянамі Украіны ў рамках закону».
«Украіна павінна захавацца ў межах, якія замацаваліся за ёй з моманту падпісаньня Белавескіх пагадненьняў», — гаворыцца ў звароце.
Сярод аўтараў (усяго больш за 40 чалавек) — Валянцін Акудовіч, Уладзімір Арлоў, Зінаіда Бандарэнка, Ігар Варашкевіч, Анатоль Вярцінскі, Радзім Гарэцкі, Аляксей Марачкін, Уладзімір Някляеў, Юрый Хашчавацкі, Віктар Шалкевіч. Зварот адкрыты для падпісаньня.
Падпісанты «рашуча асуджаюць усе спробы дзяліць Украіну па этнічным прынцыпе» і выступаюць за «мірнае вырашэньне праблемаў унутры краіны самімі грамадзянамі Украіны ў рамках закону».
«Украіна павінна захавацца ў межах, якія замацаваліся за ёй з моманту падпісаньня Белавескіх пагадненьняў», — гаворыцца ў звароце.
Сярод аўтараў (усяго больш за 40 чалавек) — Валянцін Акудовіч, Уладзімір Арлоў, Зінаіда Бандарэнка, Ігар Варашкевіч, Анатоль Вярцінскі, Радзім Гарэцкі, Аляксей Марачкін, Уладзімір Някляеў, Юрый Хашчавацкі, Віктар Шалкевіч. Зварот адкрыты для падпісаньня.
