Паводле «Ўкраінскай праўды», у будынку адміністрацыі ў Данецку былі заблякаваныя каля 20 журналістаў і дэпутаты абласной рады, якія праводзілі пасяджэньне. У штурме ўдзельнічалі каля ста чалавек, яшчэ некалькі сотняў знаходзіліся звонку. Па зьвестках «Інтэрфаксу», сёньня раніцай да будынка Данецкай абласной адміністрацыі прыйшлі некалькі тысяч чалавек з расейскімі сьцягамі і плякатамі «Данбас-Расея», «Расіяне нашы браты». Людзі патрабавалі адстаўкі Сяргея Таруты, які напярэдадні быў прызначаны на пасаду кіраўніка рэгіянальнай адміністрацыі.
Прарасейскі мітынг быў арганізаваны і ў Адэсе. Удзельнікі мітынгу паспрабавалі пранікнуць у будынак, але ім гэта не ўдалося. Паводле УНІАН, каля будынку абласной рады сабраліся і прыхільнікі цяперашняй улады ў Кіеве, якія сьпявалі гімн Украіны, а прарасейскія дэманстранты адказвалі ім скандаваньнем «Бо з намі бог!»
Прарасейскі мітынг быў арганізаваны і ў Адэсе. Удзельнікі мітынгу паспрабавалі пранікнуць у будынак, але ім гэта не ўдалося. Паводле УНІАН, каля будынку абласной рады сабраліся і прыхільнікі цяперашняй улады ў Кіеве, якія сьпявалі гімн Украіны, а прарасейскія дэманстранты адказвалі ім скандаваньнем «Бо з намі бог!»
