Пра гэта карэспандэнту Свабоды паведаміў сын Георгія Саракашыша Канстанцін:
«Усё на тым жа месцы, дзе і было. Патлумачылі, што ідзе сьледзтва. Кажуць, што хутка перададуць справу ў суд, чакайце. Але гэта ўжо даўно казалі — і нічога не адбываецца. Лісты ён піша, але там няма нічога, што тлумачыла б сэнс таго, што адбываецца. Бо пра гэта ніхто ня ведае — ні я, ні бацька, ні адвакат. Ніякай інфармацыі няма — маўляў, ідзе сьледзтва. Маўляў, будзеце ведаць, калі справу перададуць у суд, а пакуль нічога не вядома. Нічога не адбываецца. Я нават ня ведаю, як гэта разумець: гэта дзеяньне ці бязьдзеяньне. Год прайшоў — і нічога. Можа, яны там і разьбіраюцца. Але чамусьці неяк надта доўга».
Паводле Канстанціна, бацьку трымаюць у СІЗА КДБ, толькі камэру памянялі. На здароўе ён ня скардзіцца:
«Некалі гэта павінна скончыцца. Калі ў вас паводле закону сьледзтва можа ісьці паўтара года, то ён адседзеў ужо год, а ў лютым будзе год і два месяцы. Я ня ведаю, што будзе далей, магчыма, і да паўтара года датрымаюць. Тым часам санаторый прайграе суды. А ягонаму цяперашняму кіраўніку далі строгую вымову, што не кантралюе, не пасьпявае з будаўніцтвам», — апавядае Канстанцін.
Грамадзянін Расеі Георгі Саракашыш, які ў сьнежні пазамінулага году быў таемна затрыманы беларускімі спэцслужбамі падчас камандзіроўкі ў Менску, падазраецца ў крадзяжы шляхам злоўжываньня службовымі паўнамоцтвамі. Ніякай інфармацыі пра Саракашыша афіцыйныя структуры Беларусі дагэтуль не паведамілі.
Санаторый «Беларусь» месьціцца ў горадзе Сочы на ўзьбярэжжы Чорнага мора. Там ня раз адпачываў кіраўнік Беларусі Аляксандар Лукашэнка. У гэты санаторый таксама атрымліваюць пуцёўкі чыноўнікі, прамыслоўцы, спартоўцы, сябры афіцыйных прафсаюзаў.
«Усё на тым жа месцы, дзе і было. Патлумачылі, што ідзе сьледзтва. Кажуць, што хутка перададуць справу ў суд, чакайце. Але гэта ўжо даўно казалі — і нічога не адбываецца. Лісты ён піша, але там няма нічога, што тлумачыла б сэнс таго, што адбываецца. Бо пра гэта ніхто ня ведае — ні я, ні бацька, ні адвакат. Ніякай інфармацыі няма — маўляў, ідзе сьледзтва. Маўляў, будзеце ведаць, калі справу перададуць у суд, а пакуль нічога не вядома. Нічога не адбываецца. Я нават ня ведаю, як гэта разумець: гэта дзеяньне ці бязьдзеяньне. Год прайшоў — і нічога. Можа, яны там і разьбіраюцца. Але чамусьці неяк надта доўга».
Паводле Канстанціна, бацьку трымаюць у СІЗА КДБ, толькі камэру памянялі. На здароўе ён ня скардзіцца:
«Некалі гэта павінна скончыцца. Калі ў вас паводле закону сьледзтва можа ісьці паўтара года, то ён адседзеў ужо год, а ў лютым будзе год і два месяцы. Я ня ведаю, што будзе далей, магчыма, і да паўтара года датрымаюць. Тым часам санаторый прайграе суды. А ягонаму цяперашняму кіраўніку далі строгую вымову, што не кантралюе, не пасьпявае з будаўніцтвам», — апавядае Канстанцін.
Грамадзянін Расеі Георгі Саракашыш, які ў сьнежні пазамінулага году быў таемна затрыманы беларускімі спэцслужбамі падчас камандзіроўкі ў Менску, падазраецца ў крадзяжы шляхам злоўжываньня службовымі паўнамоцтвамі. Ніякай інфармацыі пра Саракашыша афіцыйныя структуры Беларусі дагэтуль не паведамілі.
Санаторый «Беларусь» месьціцца ў горадзе Сочы на ўзьбярэжжы Чорнага мора. Там ня раз адпачываў кіраўнік Беларусі Аляксандар Лукашэнка. У гэты санаторый таксама атрымліваюць пуцёўкі чыноўнікі, прамыслоўцы, спартоўцы, сябры афіцыйных прафсаюзаў.
